Il CeDiLE e la revista Babylonia s’interesseschan per temas semeglionts arisguard igl emprender ed instruir da lungatgs jasters. Per quei motiv han els dacuort concludiu in partenadi. Quei possibilitescha ina megliera reportascha d’eveniments actuals sin quei sectur en Svizra.
Cun varga 30 onns experientscha da publicaziun ei la revista Babylonia ina referenza da basa sil camp dalla didactica da lungatgs jasters. Babylonia publichescha treis gadas ad onn in carnet tematic. Dad ina vart eis ei in liug da discussiun per ses*sias acturs*acturas, da l’autra vart porscha Babylonia ina rihezia da resursas didacticas e renda accessibel temas meinsvart fetg cumplexs a persunas ch’ein buca dil fatg. Schebein il CeDiLE sco era Babylonia mettan peisa sil dialog e sin debats critics sco p. ex. l’instrucziun tumpriva da lungatgs jasters ni la politica d’instrucziun da lungatgs.
Naven da december saveis Vus leger resp. tedlar en mintga ediziun intervestas originalas per franzos / tudestg / talian / romontsch / engles culla redacziun ed ils*las auturs*auturas da Babylonia. Ils cuntegns produci dil CeDiLE vegnan era publicai silla pagina d’internet dalla revista Babylonia e quei tenor ils temas respectivs.
Vuleis Vus esser sil current dils novs svilups ella didactica da lungatgs jasters? Lu abonnei il newsletter da Babylonia e dil CeDiLE!
Möchten Sie über die neuesten Entwicklungen in der Fremdsprachendidaktik auf dem Laufenden gehalten werden? Dann abonnieren Sie den Babylonia- und den CeDiLE-Newsletter!
